کراچی میں کورونا ویکسین نہ لگوانے والوں کے خلاف پولیس نے کارروائی شروع کردی اور دو افراد کو گرفتار کرلیا گیا ہے۔
کراچی کے علاقے سہراب گوٹھ میں پولیس نے کورونا ویکسین نہ لگوانے والے 2 افراد کو گرفتار کرلیا۔
ملزمان کیخلاف سہراب گوٹھ تھانے میں سرکار کی مدعیت میں مقدمہ درج کرلیا گیا ہے۔
مقدمے میں سرکاری احکامات کی خلاف ورزی کی دفعات شامل کی گئی ہیں اور مقدمہ وبائی امراض ایکٹ 2014 کے تحت درج کیا گیا ہے۔
پولیس کا بتانا ہے کہ محکمہ داخلہ سندھ نے آئی جی پولیس، ڈی جی رینجرز سندھ اور ڈویژنل کمشنرز کوخط لکھا تھا جس میں ایس او پیز پر عمل نہ کرنے والوں کیخلاف مقدمات درج اور جرمانے عائد کرنے کاکہا گیا ہے۔