قومی ٹیم کے سابق کپتان شعیب ملک کی اہلیہ ثانیہ مرزا نے سوشل میڈیا پر لپ سنکنگ کرتی دلچسپ ویڈیو شیئر کی جو سوشل میڈیا پر وائرل ہے۔
سوشل میڈیا پلیٹ فارم انسٹاگرام پر ثانیہ مرزا کی جانب سے ایک ویڈیو شیئر کی گئی جس میں انہیں شعیب ملک کے ہمراہ روم میں بیٹھے اور لپ سنکنگ کرتے ویڈیو بناتے دیکھا جاسکتا ہے۔
ویڈیو میں موجود آواز کے ذریعے ثانیہ کو مشورہ دیا جاتا ہے کہ بیٹا ان کے ساتھ کبھی مت رہنا جنہیں تمہاری قدر نہ ہو، اس کے جواب میں ثانیہ لپ سنکنگ کرتے ہوئے اور شعیب کی طرف کیمرہ دکھاتے ہوئے کہتی ہیں کہ ان ہی کے گھر میں رہتی ہوں۔
ثانیہ نے ویڈیو کے کیپشن میں گھر کی لکھ کر مرغی کا ایموجی بھی شیئر کیا۔