اداکارہ ہانیہ عامر سے مشابہت رکھنے والی خاتون کی تصاویر سوشل میڈیا پر وائرل ہیں جنہوں نے مداحوں کی توجہ اپنی جانب مرکوز کی ہوئی ہے۔
اس سے قبل بھی پاکستان سمیت کئی بالی وڈ اداکاروں کے ہمشکل سامنے آچکے ہیں لیکن ہو بہو ہانیہ عامر کی طرح دکھنے والی خاتون کو دیکھ کر سوشل میڈیا صارفین حیرت میں مبتلا ہیں۔
ہانیہ عامر کی ہمشکل خاتون کا تعلق سوئیڈن سے ہے جن کا نام شائے ہولود ہے، شائے ایک میک اپ آرٹسٹ ہیں جن کے انسٹاگرام پر 12 ہزار سے زائد فولوورز ہیں۔
سوئیڈش خاتون نے اپنی ہانیہ کے ساتھ مماثلت پر ردعمل بھی دیا جس کا اسکرین شاٹ سوشل میڈیا پیجز پر زیرِ گردش ہے۔
انہوں نے لکھا کہ میرا اس لڑکی سے ایک ہفتے میں 20 بار موازنہ کیا جاتا ہے۔
اس کے علاوہ شائے ہولود نے اپنی اور ہانیہ کی تصویر پر پاکستانی سوشل میڈیا پیج پر تبصرہ پیش کیا۔
انہوں نے لکھا کہ ہم دونوں بالکل ایک جیسے دکھائی نہیں دیتے جب کہ صارفین ان کی بات سے متفق نظر نہیں آئے اور تقریباً سب نے اظہارِ خیال کیا کہ دونوں خواتین ایک دوسرے سے بہت ملتی ہیں۔