ملک بھر میں گیس کے شدید بحران کے پیش نظر پنجاب بھر کی ٹیکسٹائل انڈسٹری بند ہونے کا خدشہ پیدا ہو گیا ہے۔
جیو نیوز کے پروگرام نیا پاکستان میں گفتگو کرتےہوئے چیئر مین اپٹما رحیم ناصرکا کہنا تھا کہ حکومت نے 6 ڈالر فی ایم ایم بی ٹی یو گیس ٹیرف کی یقین دہانی کرائی تھی لیکن بعد میں ٹیرف 9 ڈالر کرنے کا کہا جس پر بھی تعاون کے لیے تیار تھے۔
رحیم ناصر نے بتایا کہ وزیر توانائی حماد اظہر سےکیپٹو پاور پلانٹ سے نکل کر گرڈ سے منسلک ہونے کی کمٹمنٹ نہیں تھی، ان کی 92 درخواستیں تقسیم کار کمپنیز میں کنکشنز کے لیے موجود ہیں لیکن آج تک عمل نہیں ہوا۔
خیال رہے کہ ملک کے مختلف شہروں میں گیس پریشرکی کمی کے باعث جہاں شہریوں کو مشکلات کاسامنا ہے وہیں صنعتوں میں پیداواری عمل بھی ٹھپ ہوکر رہ گیا ہے۔