پی ٹی آئی چیئرمین عمران خان کے حکومت مخالف لانگ مارچ کے اعلان کے بعد گزشتہ روز ملک کے مختلف شہروں سے پی ٹی آئی رہنماؤں نے اپنے قافلوں کے ہمراہ ڈی چوک کا رخ کیا جس کی ویڈیوز سوشل میڈیا پر وائرل رہیں۔
لانگ مارچ کے دوران فواد چوہدری کی بھی ایک ایڈٹ ویڈیو زیر گردش رہی جو درحقیقت لانگ مارچ کے لیے نکلنے سے قبل اپنے قافلے کے ہمراہ تھی اور اس ویڈیو میں فواد چوہدری رکاوٹوں کے بارے میں بتارہے ہیں۔
لیکن پی ٹی آئی رہنما کی اس ویڈیو کو سوشل میڈیا انفلوئنسر دنانیر مبین کے مشہور جملے’ پارری ہورہی ہے‘ پر بنائے جانے والے گانے کے ساتھ ایڈٹ کردیا گیا۔
بعد ازاں فواد چوہدری کی ویڈیو سوشل میڈیا پر وائرل ہوگئی جس میں دنانیر مبین کے پارٹی ہورہی ہے کے الفاظ شامل ہیں۔