فیصل آباد انسٹی ٹیوٹ آف کارڈیالوجی میں علاج کی غرض سے آنے والی خاتون کو سکیورٹی گارڈ نے مبینہ زیادتی کا نشانہ بنایا۔
پولیس کے مطابق منیر آباد کی رہائشی شادی شدہ خاتون سلمٰی بی بی نے پولیس کو دی گئی درخواست میں الزام لگایا ہے کہ وہ کارڈیالوجی اسپتال میں چیک اپ اور دوائی لینے گئی تھی۔
خاتون نے مؤقف اختیار کیا کہ اسپتال کے سکیورٹی گارڈ بابر نے ڈاکٹر سے جلد چیک اپ کرانے اور دوا لے کر دینے کا کہا اور پھر ڈاکٹر موجود نہ ہونے کا بتا کر اسپتال کے ایک کمرے میں لے گیا جہاں ملزم نے مبینہ طور پر اسے زیادتی کا نشانہ بنایا۔
پولیس نے درخواست پر تھانہ سول لائن میں مقدمہ درج کر کے تحقیقات شروع کر دی ہیں۔
پولیس کے مطابق تاحال ملزم فرار ہے جس کی گرفتاری کے لیے کوشش شروع کردی گئی ہیں۔