اداکار یاسر شورو کی اہلیہ زینب آبرو نے اداکارہ ثانیہ شمشاد کے بیٹے کی سالگرہ میں باحجاب شرکت کی جس کو اداکارہ ثانیہ شمشاد سمیت مداحوں نے بھی سراہا۔
یاسر شورو کی اہلیہ کی ثانیہ شمشاد کے بیٹے کی تقریب کی تصاویر وائرل ہورہی ہیں جس میں ان کی اہلیہ کو سیاہ اور سفید رنگ کا عبایا پہنے چہرے پر حجاب لگائے دیکھا جاسکتا ہے۔
ثانیہ نے یاسر شورو کی اہلیہ کے لیے انسٹا اسٹوری شیئر کی جس پر درج تھا کہ زینب ہمیں تم پر فخر ہے۔
ایک صارف نے لکھا کہ یہی وجہ ہے کہ خاتون ان سب کے درمیان منفرد اور باوقار لگ رہی ہیں۔
ایک اور صارف نے تمام اداکاروں کے ہمراہ زینب کی تصویر پر تبصرہ کرتے لکھا کہ زینب سب کے درمیان سب سے زیادہ اچھی لگ رہی ہیں۔