بھارتی ریاست گجرات کے ایک گاؤں میں پولیس نے سرعام مسلمان نوجوانوں کو تشدد کا نشانہ بنایا۔
رپورٹس کے مطابق مسلمان نوجوانوں کو کھمبے سے باندھ کر ڈونڈوں سے پیٹا گیا۔اس دوران وہاں موجود مجمع پولیس کے ایکشن کو سراہتا رہا اور بھارت ماتا کی جے کے نعرے لگاتا رہا۔
رپورٹس کے مطابق مسلمان نوجوانوں پر ہندوؤں کے ایک ایونٹ میں پتھراؤ کرنے کا الزام تھا۔
ایف آئی آر کے مطابق مسلم کمیونٹی کے کچھ لوگوں نے مسجد کے پاس ایونٹ کرنے پراعتراض کیا تھا،پولیس کی مسلمان نوجوانوں پر تشدد کی ویڈیو سوشل میڈیا پر وائرل ہونے کے بعد بھارتی صحافیوں نے مودی حکومت کو شدید تنقید کا نشانہ بنایا ہے۔
ایک صحافی نے ویڈیو شیئر کرتے ہوئے لکھا کہ یہ ہے بھارتی وزیراعظم مودی کی آبائی ریاست،جہاں پولیس پتھراؤ کے الزام پر سرعام مسلمانوں کو مار رہی ہے اورمجمع پولیس کے ایکشن کو سراہتے ہوئے نعرے لگارہا ہے۔