گوجرانوالہ کے علاقے گلشن کالونی میں یونیورسٹی کی طالبہ نے بہادری کا مظاہرہ کرتے ہوئے ملزم سے اسلحہ چھین کر ڈکیتی کی کوشش ناکام بنادی۔
پولیس کے مطابق بس اسٹینڈ پر موجود طالبہ یونیورسٹی بس کا انتظار کر رہی تھی کہ دو مسلح ڈاکوؤں نے طالبہ سے پرس چھیننے کی کوشش کی جس پر طالبہ نے ڈاکو سے پستول چھین لی۔
پولیس کے مطابق اس دوران طالبہ اور ڈاکوؤں کےدرمیان مزاحمت ہوئی اور شہری جمع ہوگئے جس کے بعد لوگوں نے ڈاکوؤں کو پکڑ کر پولیس کے حوالے کر دیا۔
پولیس کی جانب سے ڈاکوؤں کو گرفتار کر کے مقدمہ درج کر لیا گیا ہے۔