آرمی چیف جنرل عاصم منیر نے کراچی میں مزارِ قائد پرحاضری دی ، مزار پرپھول رکھے اور فاتحہ خوانی کی۔
انٹرسروسز پبلک ریلیشنز (آئی ایس پی آر) کی جانب سے جاری بیان کے مطابق آرمی چیف نے کور ہیڈکوارٹرز کراچی کا بھی دورہ کیا جہاں انہیں آپریشنل تیاریوں، سکیورٹی اور فارمیشن کے بارے میں بریفنگ دی گئی۔
آئی ایس پی آر کے مطابق آرمی چیف جنرل عاصم منیر کو حالیہ قدرتی آفات کے دوران اندرون سندھ میں سول انتظامیہ کی مدد سے متعلق بھی بتایا گیا۔