فارن ایکسچینج کمپنیز ایسوسی ایشن نے ڈالر ریٹ کیپ ختم کرنے کا فیصلہ کرلیا، ڈالر کی قیمت فروخت 255 روپے اور قیمت خرید 253 روپے مقرر کر دی گئی۔
ایکسچینج کمپنیز ایسوسی ایشن کے چیئرمین ملک بوستان نے کہا ہے معیشت کے مفاد میں اوپن مارکیٹ میں ڈالر کے ریٹ کو کیپ کرنے کا فیصلہ کیا لیکن اس کا اُلٹا اثر ہوا۔
جیو نیوز کے پروگرام آج شاہزیب خانزادہ کے ساتھ میں گفتگو کرتے ہوئے انہوں نے کہا کہ ہماری ترسیلاتِ زر اور برآمدات کم ہوگئیں، اب سے ایسا نہیں ہوگا، کل سے ہم بلیک مارکیٹ کا ریٹ آفر کریں گے تاکہ بلیک مارکیٹ اور اوپن مارکیٹ میں ڈالر کے ریٹ کا فرق کم ہو سکے۔
انہوں کا کہنا تھا کہ اس سلسلے میں باضابطہ طریقہ کار اسٹیٹ بینک کے ساتھ آج اجلاس میں طے ہوگا۔