ویسے تو خانہ کعبہ سے عقیدت ومحبت ہر مسلمان ہی رکھتا ہے لیکن ان دنوں اس محبت کے منفرد اظہار نے سوشل میڈیا صارفین کی توجہ اپنی جانب مبذول کرلی ہے۔
سوشل میڈیا پر ایک نوجوان کی ویڈیو وائرل ہورہی ہے جس میں نوجوان کو ہزاروں کی تعداد میں موجود کیوبس کی مدد سے خانہ کعبہ کی تصویر بناتے دیکھا جاسکتا ہے۔
بتایا جارہا ہے کہ ویڈیو میں موجود نوجوان کیوبس کو حل کرنے کا ماہر ہے جس نے کیوبس کے ذریعے خانہ کعبہ کا پورٹریٹ بنایا ہے۔
یاد رہے کیوبس حل کرنا کوئی آسان کام نہیں لیکن نوجوان نے خانہ کعبہ کی تصویر کے مطابق کیوبس کو حل کیا اور ایک شاندار پورٹریٹ بنادیا ہے۔
اس ویڈیو کو سوشل میڈیا صارفین کی جانب سے پسند کیا جارہا ہے تاہم نوجوان کا تعلق کس ملک سے ہے اور اس کا کیا نام ہے یہ بات معلوم نہیں ہوسکی ہے۔