کراچی میں رات گئے دوسیاسی جماعتوں کے کارکنان کے درمیان جھگڑے اور فائرنگ کے تبادلے میں ایک شخص جاں بحق اور ایک زخمی ہو گیا جبکہ نامعلوم افراد نے دو گاڑیوں کو بھی نذر آتش کردیا۔
ناظم آباد نمبر 2 میں رات گئے دونوں سیاسی جماعتوں کے کارکنان میں جھگڑے میں ایک دوسرے پرکرسیاں پھینکیں گئیں، اور فائرنگ سے 48 سالہ فراز نامی ایک کارکن جاں بحق اور رائو طلحہ زخمی ہو گیا۔
جھگڑے کے بعد نامعلوم افراد نے علاقے میں دوگاڑیوں کوآگ لگادی جس کے بعد فائر بریگیڈ کی ایک گاڑی نے جائے واقعہ پر پہنچ کر آگ بجھائی، رینجرز اور پولیس نے پہنچ کر صورتحال پر قابو پایا۔