بالی وڈ اداکار ورون دھون اور ان کی اہلیہ نتاشا دلال کے ہاں شادی کے3 سال بعد پہلے بچے کی آمد متوقع ہے۔
انسٹاگرام پر اہلیہ کے حمل کی فوٹو شوٹ کی ایک تصویر شیئر کرتے ہوئے ورون نے جلد بچے کے والدین بننے کی خوشخبری مداحوں کو سنائی۔
ورون دھون نے لکھا کہ وہ اور اُن کی اہلیہ بہت جلد والدین بننے والے ہیں، ورون نے اپنی پوسٹ میں مداحوں سے پیار اور دعاؤں کی درخواست بھی کی۔
ورون کی پوسٹ پر مداحوں کے ساتھ ساتھ بالی وڈشخصیات نے بھی نیک خواہشات کا اظہار کیا ہے۔
ورون دھون نے سال 2021 میں بچپن کی دوست ڈیزائنر نتاشا دلال سے شادی کی تھی۔