کراچی میں شہری کے اغوا اور تشدد کا الزام ثابت ہونے پر پولیس کے اسپیشل انویسٹی گیشن یونٹ نے محکمہ انسداد دہشتگردی (سی ٹی ڈی) گارڈن کے دفتر پر چھاپا مار کر 4 اہلکاروں کو گرفتار کرلیا ہے۔
ڈی آئی جی سی ٹی ڈی نے بتایا کہ اہلکاروں پر شہری جاسم اور اس کے دوستوں کو غیرقانونی حراست میں رکھنے اور ان سے رقم لینے کے الزام کے تحت مقدمہ درج ہے۔
ڈی آئی جی سی ٹی ڈی کا کہنا تھا کہ شہری کے اغوا، تشدد اور پیسے لینے کا الزام ثابت ہونے پر گرفتار چاروں اہلکاروں کو نوکری سے برطرف کیا جائے گا۔