قبائلی ضلع اورکزئی کے ڈپٹی کمشنر طیب عبداللہ کا تبادلہ ہونے پر پی ٹی آئی کارکنان کی خوشی کی انتہا نہ رہی۔
تحریک انصاف کے چیئرمین ویلیج کونسل غلجو نے کھلے عام ہوائی فائرنگ کی جس کے نتیجے میں لوگوں میں خوف و ہراس پھیل گیا۔
واقعہ کی ویڈیو بھی سوشل میڈیا پر خاصی وائرل ہورہی ہے جس کے بعد پولیس نے مقدمہ درج کرلیا۔
دوسری جانب پی ٹی آئی کا مؤقف ہے کہ ڈپٹی کمشنر طیب عبداللہ نے الیکشن سے قبل پارٹی کارکنوں کے خلاف کئی بار 3 ایم پی او کے تحت پرچے کٹوائے اور گرفتاریاں کرائی تھیں اس لیے ان کے تبادلے کی خبر پر خوشی کا اظہار کر رہے تھے۔