بھارت میں 50 روپے پر شروع ہونے والی تکرار میں گاہک نے دکان دار کی انگلی چبا ڈالی۔
بھارتی میڈیا کے مطابق واقعہ بھارتی ریاست اتر پردیش میں پیش آیا جہاں گاہک کپڑوں کے دکان پر ایک دن قبل خریدی ہوئی فراک واپس کروانے آیا تھا۔
رپورٹس میں بتایا گیا ہے کہ گاہک نے جب فراک چھوٹی ہونے اور تبدیل کرنے کا مطالبہ کیا تو دکان دار نے مزید 50 روپے مانگے جس پر دونوں میں تکرار ہوگئی۔
تکرار کے دوران گاہک نے دکان دار انگلی پر کاٹ لیا اور کپڑے پھینک کر فرار ہوگیا۔
پولیس نے دکان دار کی درخواست پر واقعے کا مقدمہ درج کرلیا۔ پولیس کا کہنا ہے کہ ملزم کی تلاش جاری ہے۔