میئرکراچی مرتضیٰ وہاب نے شہریوں سے اپیل کی ہے کہ وہ سڑکوں پر تجاوزات کا سبب بننے والے پتھاروں اور ٹھیلوں سے سامان نہ خریدیں۔
میئر کراچی کا کہنا ہے کہ شہری پتھاروں سے سامان نہیں خریدیں گے تو یہ تجاوزات خود ہی ختم ہو جائیں گی۔
مئیرکراچی مرتضیٰ وہاب نے کراچی میں ضلع جنوبی کے سرکاری اسکول میں بچوں کو پولیو کے قطرے پلا کر پولیو مہم کا افتتاح کیا۔
اس موقع پرمیڈیا سے گفتگو کرتے ہوئے انہوں نے شہریوں سےاپیل کی کہ وہ تجاوزات ختم کرانے میں مدد کریں، ٹھیلوں اور پتھاروں سے سامان نہ خریدیں، میئر کراچی کا کہنا تھا کہ کراچی میں تجاوزات کے خلاف آپریشن جاری ہے۔
ان کا مزید کہنا تھا کہ چکرا گوٹھ پر دو ہائیڈرنٹس قائم ہیں ان کے خلاف وقتاً فوقتاً کارروائی ہوتی رہتی ہے، کوئی ادارہ پانی چوری میں ملوث نہیں ہے۔
میئر کراچی کا کہنا تھا کہ کے ایم سی کی ناکارہ بسیں دوبارہ سڑکوں پر لانے کے لیے پبلک پرائیویٹ پارٹنرشپ کے تحت انہیں سی این جی سے ڈیزل پر منتقل کررہے ہیں۔