لاہور: پولیس اہلکاروں کی ٹارگٹ کلنگ میں ملوث مرکزی ملزم کو ڈیفنس سے گرفتار کرلیا گیا۔
پولیس کے مطابق گرفتار ملزم عثمان خراسانی اور اس کا بھائی ٹارگٹ کلنگ میں ملوث ہیں، ملزم کو ڈیفنس کے علاقے سے گرفتار کر کے سی ٹی ڈی کے حوالےکردیا گیا ہے۔
پولیس کا کہنا ہے ملزم سے حملے میں استعمال ہونے والی موٹرسائیکل، اسلحہ، کپڑے اور داستانے بھی برآمد ہوئے ہیں جب کہ ملزم کے بھائی کی گرفتاری کے لیے چھاپے مارے جارہے ہیں۔