حیدرآباد.........حیدرآباد کی انسداد دہشت گردی کی عدالت نے امریکی صحافی ڈینئل پرل قتل کیس کے ملزم قاری ہاشم علی کو مقدمے سے بری کردیا۔ پولیس نےملزم ہاشم علی کو امریکی صحافی ڈینئل پرل قتل کیس کے منصوبے میں ساتھ دینے پر گرفتار کیا تھا۔ امریکی صحافی ڈینئل پرل کے قتل کے مرکزی ملزم شیخ عمر کو سزائے موت اور اور تین ساتھیوں، سلمان ثاقب، فہد نسیم، شیخ عادل کو عمر قید کی سزا سنائی جاچکی ہے ۔انسداد دہشت گردی کی عدالت حیدر آباد میں قاری ہاشم علی کی مقدمہ میں بریت کی درخواست دائر کی تھی جس پر عدالت نے ان کو بری کرنے کا حکم جاری کیا۔