17 فروری ، 2017
سابق بھارتی وزیر خزانہ پی چدم برم کا کہنا ہے کہ مسئلہ کشمیر کیلئے سیاسی حل کی ضرورت ہے۔
نئی دلی میں ایک انٹرویو کے دوران پی چدم برم کا کہناتھا کہ مقبوضہ کشمیر میں بی جے پی حکومت اورمقامی حکومت کا نقطہ نظر غلط ہےاور حالات سنبھالنے کیلئے حکومت کو نیا نقطہ نظر اپنانا چاہیے۔
انہوں نے کہا کہ اگر بی جے پی حکومت موجود نقطہ نظر برقرار رکھتی ہے تو اس سے مقبوضہ وادی میں مزید تنازعات اور تشدد میں اضافہ ہوگا۔