نواب شاہ کے علاقے قاضی احمد قومی شاہراہ سکرنڈ شوگرمل اسٹاپ کے قریب کراچی سے لاہورجانے والا آئل ٹینکر الٹ گیا ہے۔ آئل ٹینکر میں 60 ہزار لیٹر ہائی اوکٹین آئل موجود ہے جو بہہ رہا ہے۔

موٹر وے پولیس کے مطابق حادثے کے مقام والے علاقے کو سیل کردیا گیا ہےاور ساتھ ہی ریسیکو عملے کو بھی طلب کرلیا گیا۔

ذرائع کے مطابق فائر برگیڈ کا عملہ بھی پہنچ گیا ہے تا کہ کوئی نا خوش گوار واقعہ پیش نہ آسکے۔

پولیس کا کہنا ہے کہ آئل ٹینکر میں 60 ہزار لیٹر ہائی اوکٹین تیل ہے جو بہہ رہا ہے یاد ہے کہ نواب شاہ میں 9 روز میں یہ چوتھا آئل ٹینکر حادثہ ہوا ہے ۔