جنوبی ورجینیا میں دنیا کے سب سے زیادہ موٹے افراد رہتے ہیں

غیر ملکی ادارے کی رپورٹ کے مطابق جنوبی ورجینیا میں موٹاپے کا شکار لوگوں کی سب سے بڑی تعداد ہے۔

رپورٹ میں بتایا گیا ہےکہ امریکی آبادی کا ایک تہائی بالغ اور ہر 6 میں سے ایک بچہ موٹاپے کا شکار ہے جب کہ موٹاپے کی بیماریوں سے نمٹنے کے لیے امریکا سالانہ 150 ارب ڈالر صحت پر خرچ کرتا ہے۔

رپورٹ کے مطابق موٹاپے کے شکار لوگوں کی سب سے بڑی تعداد جنوبی ورجینیا میں رہتی ہے جو وہاں کی آبادی کا 37 اعشاریہ 7 فیصد ہے، یعنی جنوبی ورجینیا کی 37.7 فیصد آبادی موٹاپے کا شکار ہے۔

رپورٹ کے مطابق مسی سپی کی 37.3، الباما اور آرکنسا کی 35.7 فیصدآبادی موٹاپے کا شکارہے، کولوراڈو میں موٹاپے کا شکارافراد کی سب سے کم تعداد ہے جو 22.3 فیصد ہے۔