پاکستان
Time 29 اکتوبر ، 2017

آج قوم کی قربانیاں جیت گئیں: ترجمان پاک فوج

پاک فوج کے شعبہ تعلقات عامہ کے سربراہ میجر جنرل آصف غفور نے سری لنکن ٹیم کا شکریہ ادا کرنے ہوئے کہا ہے کہ آج پاکستانی قوم کی قربانیاں جیت گئیں۔

ڈی جی آئی ایس پی آر میجر جنرل آصف غفور نے سوشل میڈیا پر اپنے ٹویٹ میں سری لنکن ٹیم کا پاکستان آنے پر شکریہ ادا کیا اور ساتھ ہی پاکستانی ٹیم کے شاندار کھیل کی تعریف بھی کی۔


میجر جنرل آصف غفور نے کہا کہ پی سی بی اور سیکیورٹی اداروں نے شاندار کارکردگی کا مظاہرہ کیا اور آج قوم کی قربانیاں جیت گئیں۔

یاد رہے کہ 2009 میں سری لنکن ٹیم پر ہونے والے حملے کے بعد سے پاکستان میں انٹرنیشنل کرکٹ معطل تھی لیکن آج سری لنکن ٹیم نے ہی پاکستان میں آکر دوبارہ انٹرنیشنل کرکٹ کو بحال کرنے میں مدد کی ہے۔

مزید خبریں :