حدیبیہ پیپر ملز کیس کی سماعت بغیر کارروائی کے جمعہ تک ملتوی

سپریم کورٹ میں شریف خاندان کے خلاف حدیبیہ پیپرز ملز ریفرنس دوبارہ کھولنے کی نیب کی درخواست کی سماعت ایک جج کی عدم دستیابی کے باعث بغیر کارروائی کے جمعہ تک کے لئے ملتوی کردی گئی۔

جسٹس مشیر عالم کی سربراہی میں جسٹس قاضی فائز عیسیٰ اور جسٹس مظہر عالم خان پر مشتمل سپریم کورٹ کے 3 رکنی بینچ کو حدیبیہ پیپر ملز ریفرنس کھولنے کی نیب کی درخواست پر سماعت کرنا تھی۔

تاہم جسٹس مظہر عالم خان میاں خیل کی عدم دستیابی کے باعث سماعت کو جمعے تک کے لئے ملتوی کردیا گیا۔

حدیبیہ ریفرنس: اسحاق ڈار کا اعترافی بیان نکال دیں تو اس کیس میں نیا کیا ہے؟ سپریم کورٹ

1992 سے 2017 آگیا، ابھی بھی ہم اندھیرے میں ہیں، اصل میں ہوا کیا معلوم نہیں، پیسے ادھر ادھر ہوگئے یہ کہانیاں ہیں، چارج بتائیں،جسٹس قاضی فائز عیسیٰ ڈپٹی پراسیکیوٹر نیب پر برہم

گزشتہ روز عدالت نے سوال اٹھایا تھا کہ اسحاق ڈار کا اعترافی بیان نکال دیں تو اس کیس میں نیا کیا ہے جب کہ عدالت نے ریمارکس دیے کہ ہمارے ساتھ کھیل نہ کھیلیں، جرم بتائیں، صرف بیانات پر بھروسہ نہیں کرسکتے، سپریم کورٹ میں بادی النظر کا لفظ استعمال نہ کریں سیدھا مؤقف اپنائیں۔