کھیل
Time 31 جنوری ، 2018

دورہ نیوزی لینڈ کے بعد قومی کرکٹ ٹیم کے 8 کھلاڑی وطن پہنچ گئے

جیو نیوز اسکرین گریب—۔

لاہور: پاکستان کرکٹ ٹیم کے 8 کھلاڑی اور 4 آفیشلز دورہ نیوزی لینڈ کے بعد لاہور پہنچ گئے۔

نیوزی لینڈ سے پانچ ون ڈے اور تین ٹی ٹوئنٹی میچوں کی سیریز کھیلنے کے بعد قومی کرکٹ ٹیم کے 8 کھلاڑی لاہور کے علامہ اقبال انٹرنیشنل ایئرپورٹ پہنچے۔

کھلاڑیوں میں محمد حفیظ، محمد عامر، بابر اعظم، حسن علی، احمد شہزاد، فہیم اشرف، حارث سہیل اور عامر یامین شامل ہیں۔

پاکستانی کرکٹ ٹیم کے فاسٹ بولر حسن علی زخمی ہونے کے باعث ویل چیئر پر بیٹھ کر ایئرپورٹ سے باہر آئے۔

حسن علی زخمی ہونے کے باعث ویل چیئر پر بیٹھ کر ایئرپورٹ سے باہر آئے—۔جیو نیوز اسکرین گریب

قومی کرکٹ ٹیم کے فاسٹ بولر رومان رئیس گذشتہ روز نیوزی لینڈ سے کراچی پہنچے تھے۔

اس موقع پر ان کا کہنا تھا کہ ٹی ٹوئنٹی میں نمبر ون ٹیم بننے پر خوشی ہے۔

واضح رہے کہ اتوار 28 جنوری کو ماؤنٹ ماؤنگنوئی میں 3 ٹی ٹوئنٹی میچوں کی سیریز کے آخری اور فیصلہ کن میچ میں نیوزی لینڈ کو شکست دے کر نہ صرف پاکستان نے سیریز اپنے نام کی بلکہ وہ ٹی ٹوئنٹی کی نمبرون ٹیم بھی بن گئی۔

پاکستان نےکیویز کو ان کے ہوم گراؤنڈ پر ٹی ٹوئنٹی سیریز میں پہلی مرتبہ شکست دی ہے۔

اس سے قبل پانچ ایک روزہ میچوں کی سیریز میں نیوزی لینڈ نے پاکستان کو وائٹ واش کردیا تھا۔

مزید خبریں :