Can't connect right now! retry

کھیل
13 مارچ ، 2018

فیفا نے پاکستان فٹبال فیڈریشن کی معطلی ختم کردی

فٹ بال کی عالمی تنظیم فیفا نے پاکستان کی معطلی ختم کردی جس کے بعد پاکستان ہر سطح کے انٹرنیشنل مقابلوں میں شرکت کا اہل ہو گیا ہے۔

معطلی ختم ہونے کے بعد پاکستان کی کلب ٹیمیں بھی انٹرنیشنل مقابلوں میں حصہ لے سکیں گی۔ فیفا نے پاکستان کی رُکنیت گزشتہ برس 10 اکتوبر کو حکومتی مداخلت کے باعث معطل کی تھی۔

رواں سال مارچ میں پاکستان فٹبال فیڈریشن کے منتخب صدر فیصل صالح حیات اور اُن کے اراکین کو پاکستان فٹ بال فیڈریشن کا چارج مل گیا جس کے بعد اُنہوں نے فیفا کو خط لکھ کر آگاہ کیا تھا۔

پی ایف ایف میں جمہوری عمل بحال ہونے کے بعد فیفا نے بھی پاکستان کی رُکنیت بحال کرنے کے احکامات جاری کردیے ہیں اور بطور فیفا ممبر پاکستان کے تمام حقوق بحال کردیے گئے ہیں۔

معطلی ختم ہونے کے بعد پاکستان فٹ بال فیڈریشن کے نمائندے اور کلب ٹیمیں کسی بھی انٹرنیشنل ایونٹ میں شرکت کے اہل ہوں گے۔

پی ایف ایف کے ممبران اب فیفا کے ڈویلمپمنٹ پروگرامز، کورسز، ٹریننگ پروگرامز میں بھی حصہ لینے کے اہل ہوں گے اور اسی طرح فیفا کے دیگر ممبران پاکستان فٹ بال فیڈریشن کے تحت ہونے والے مقابلوں میں بھی شرکت کرسکیں گے۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM