امریکی صدر ڈونلڈ ٹرمپ نے لیری کڈلو کو اقتصادی مشیر تعینات کر دیا

امریکی صدر ڈونلڈ ٹرمپ نے نیشنل اکنامک کونسل کے ڈائریکٹر لیری کڈلو کو نیا اقتصادی مشیر تعینات کر دیا۔

ڈونلڈ ٹرمپ نے سوشل میڈیا پر ٹوئٹ کے ذریعے بتایا کہ نیشنل اکنامک کونسل کے ڈائریکٹر لیری کڈلو میرے چیف اقتصادی مشیر ہوں گے۔

امریکی صدر نے اپنے سوشل میڈیا پیغام میں مزید لکھا کہ اب ہمارا ملک کم ٹیکسز، ناقابل پہنچ تبدیلیوں، شفاف تجارت اور تاریخ کی سب سے بڑی لیبر فورس کے ساتھ معاشی اور مالیاتی کامیابی کے کئی سال دیکھےگا۔

امریکی صدر نے وزیر خارجہ ریکس ٹلرسن کو عہدے سے فارغ کردیا

ٹلرسن کی جگہ سی آئی اے ڈائریکٹر مائیک پومپیو کو نیا سیکرٹری آف اسٹیٹ بنادیا گیا

امریکی صدر ڈونلڈ ٹرمپ نے دو روز قبل اپنے وزیر خارجہ ریکس ٹلرسن کو بھی ان کے عہدے سے فارغ کر دیا تھا۔

خیال رہے کہ لیری کڈلو اس سے قبل سابق امریکی صدر رونالڈ ریگن کی انتظامیہ میں بھی بجٹ بنانے والی ٹیم کا حصہ رہ چکے ہیں اور اب غیر فعال بیئر اسرن بینک میں اکانومسٹ کے طور پر بھی خدمات انجام دے چکے ہیں۔