خیبرپختونخوا کے سرکاری ہیلی کاپٹر میں سفر کرنیوالوں کی فہرست نیب میں جمع

پشاور: چیئرمین تحریک انصاف عمران خان کے خلاف سرکاری ہیلی کاپٹر کے استعمال سے متعلق تحقیقات میں ہیلی کاپٹر میں سفر کرنے والوں کی فہرست نیب کو دے دی گئی۔

قومی احتساب بیورو (نیب) پشاور نے عمران خان کے خلاف صوبائی حکومت کے ہیلی کاپٹر کے استعمال پر تحقیقات شروع کررکھی ہیں اور اس حوالے سے خیبرپختونخوا حکومت سے بھی ریکارڈ طلب کیا گیا ہے۔

ذرائع کے مطابق عمران خان کی جانب سے سرکاری ہیلی کاپٹر کے استعمال سے متعلق 5 افسران نے بیانات ریکارڈ کرادیئے ہیں جن میں سول ایوی ایشن کے ایک اور 4 ایڈمنسٹریشن افسراسن کے بیانات قلمبند کیے گئے۔

ذرائع کا کہنا ہےکہ محکمہ ایڈمنسٹریشن نےہیلی کاپٹر میں سفر کرنے والوں کی فہرست بھی جمع کرادی ہے۔

ذرائع کے مطابق نیب کو فراہم کی گئی دستاویز میں بتایا گیا ہےکہ ہیلی کاپٹرکی خریداری کی سمری 22 نومبر2007 کو منظور کی گئی تھی

عمران خان نے کے پی حکومت کے ہیلی کاپٹرز کا دل کھول کر مفت استعمال کیا

ان کے 40 فضائی سفروں پر اٹھنے والے اخراجات کی رقم تو کروڑوں روپے میں ہے تاہم صوبائی حکومت کی دستاویز میں صرف 21 لاکھ روپے کا تذکرہ ہے

خیبرپختونخوا حکومت کا عمران خان کے 74 گھنٹے تک سرکاری ہیلی کاپٹر استعمال کرنے کا اعتراف

ہیلی کاپٹر استعمال کرنے والوں میں ان کے ذاتی مشیر عون چوہدری، فیصل جاوید خان اور ابرار الحق بھی شامل ہیں۔