مقبوضہ کشمیر میں بھارتی مظالم کیخلاف مذمتی قرارداد متفقہ طور پر منظور

اسلام آباد: قومی اسمبلی نے مقبوضہ کشمیر میں بھارتی مظالم کے خلاف مذمتی قرارداد متفقہ طور پر منظور کرلی۔

وفاقی وزیر برائے کشمیر امور برجیس طاہر نے قرارداد ایوان میں پیش کی جس میں گزشتہ چند روز میں مقبوضہ کشمیر میں 20 سے زائد کشمیریوں کی شہادت پر تشویش کا اظہار کیا گیا۔

قرارداد کے متن میں کہا گیا ہےکہ مقبوضہ کشمیر میں بھارتی افواج انسانی حقوق پامال کررہی ہے، یہ ایوان مقبوضہ کشمیر کے پر امن شہریوں سے اظہار یکجہتی کرتا ہے اور عالمی برادری و انسانی حقوق کی تنظیمیں کشمیر کی صورتحال پر خاموشی توڑنے کا کہتا ہے۔

قرارداد میں مزید کہا گیا کہ پاکستان کشمیریوں کی پرامن جدوجہد کی حمایت جاری رکھے گا جب کہ قرارداد میں مطالبہ کیا گیا کہ مسئلہ کشمیر کو اقوام متحدہ کی قراردادوں کے مطابق حل کیا جائے۔

بھارت مقبوضہ کشمیر میں ہندو اکثریت کیلیے آبادی میں تبدیلیاں کررہا ہے: وزارت خارجہ

حالیہ سالوں میں بیرون ملک جانے والے پاکستانیوں کی تعداد میں اضافہ ہوا جس کی وجہ معیار تعلیم ہے، ایوان میں تحریری جواب

وزیراعظم کی اقوام متحدہ کے سیکریٹری جنرل سے ملاقات، مقبوضہ کشمیر کا معاملہ اٹھادیا

پاکستان اقوام متحدہ کی قراردادوں اور کشمیریوں کی خواہشات کے مطابق تنازع کاحل چاہتا ہے، وزیراعظم شاہد خاقان عباسی