کامیڈین سنیل گروور کو بالی وڈ فلم بھی مل گئی

بھارتی کامیڈین سنیل گروور کو شو کے بعد بالی وڈ کی بڑی فلم بھی مل گئی۔

سنیل گروور نے کامیڈی شو ’دی کامیڈی نائٹ ود کپل‘ کے کردار گتھی سے شہرت حاصل کی جس کے بعد ان کے دوسرے شو کے کردار ڈاکٹر مشہور گولاٹی کو بھی خوب پسند کیا گیا۔

کامیڈین سنیل گروور نے کپل شرما سے لڑائی کے بعد ’دی کپل شرما شو‘ کو خیر باد کہہ دیا تھا اور ان کے ساتھ کئی دیگر فنکار بھی شو چھوڑ گئے تھے۔

سنیل گروور کی ’کپل دیو اور سہواگ‘ کے ساتھ واپسی کی تیاریاں

سنیل گروور کرکٹ کامیڈی شو میں نئے کردار میں جلوہ گر ہوں گے جس کے لیے انہوں نے مکمل تیاری کرلی ہے

شو کی ریٹنگ گرنے اور کپل کی ناساز طبیعت کے باعث چینل انتظامیہ نے شو کو ہی بند کردیا تھا جب کہ اس دوران سنیل کو منانے کی بھی کوششیں کی گئیں لیکن انہوں نے کپل کے ساتھ کسی صورت کام کرنے منع کردیا تھا۔

سنیل گروور حال ہی میں ایک اور کرکٹ کامیڈی شو میں اپنے فن کا مظاہرہ کررہے ہیں جس نے کپل شرما کے نئے شو ’فیملی ٹائم ود کپل‘ کو ریٹنگ میں کافی پیچھے چھوڑ دیا ہے اور اب کامیڈین کو اپنی محنت کا صلہ مل گیا ہے۔

بھارتی کامیڈین کپل شرما کا نیا شو بھی بند

کپل شرما نے ’دی کپل شرما شو‘ کے آف ایئر ہونے کے بعد ’فیملی ٹائم ود کپل شرما‘ سے ٹی وی پر واپسی کی تھی

بھارتی میڈیا کے مطابق مشہور گولاٹی کے کردار سے شہرت حاصل کرنے والے سنیل گروور کو ہدایت کار وشال بھردواج نے اپنی کامیڈی فلم ’چُھریاں‘ میں مرکزی کردار میں کاسٹ کرلیا ہے۔

کامیڈی فلم ’چھریاں‘ میں سنیل گروور کے ساتھ ’دنگل‘ میں مرکزی کردار کرنے والی اداکارہ سانیا ملہوترا بھی اہم کردار میں نظر آئیں گی۔

یاد رہے کہ سنیل گروور ماضی میں بھی کئی بالی وڈ فلموں میں کام کرچکے ہیں جن میں ’ہیرو پنتی‘، ’گجنی‘، ’ضلع غازی آباد‘ ، ’گبر از بیک‘ اور ’باغی‘ شامل ہیں۔