سعودی عرب کے نائب ولی عہد اور میئر لندن دنیا کی 100 بااثر شخصیات میں شامل
19 اپریل ، 2018
امریکی جریدے ٹائم میگزین نے 2018 کے 100 بااثر ترین افراد کی فہرست جاری کی ہے جس میں سعودی عرب کے نائب ولی عہد محمد بن سلمان اور میئر لندن صادق خان بھی شامل ہیں۔
ٹائم میگزین نے ہر سال کی طرح اس بار بھی مختلف شعبوں سے تعلق رکھنے والے دنیا کے 100 بااثر ترین افراد کی فہرست جاری کر دی ہے۔
اس فہرست میں سیاست دان، فنکار اور کھلاڑی بھی شامل ہیں۔
امریکی میگزین کی رپورٹ کے مطابق دنیا کے بااثر سیاستدانوں کی فہرست میں امریکی صدر ڈونلڈ ٹرمپ، کینیڈین وزیراعظم جسٹن ٹروڈو، چینی صدر شی جن پنگ، جاپانی وزیراعظم شنزو ابے، شمالی کورین رہنما کم جانگ ان شامل ہیں۔
اس کے علاوہ اس فہرست میں سعودی عرب کے نائب ولی عہد محمد بن سلمان، میئر لندن صادق خان اور بنگلہ دیش کی وزیراعظم شیخ حسینہ واجد بھی شامل ہیں۔
ٹائم میگزین کی جانب سے جاری بااثر افراد کی فہرست میں برطانوی شہزادے ہیری، میگھن مرکل، نکول کڈمین، جینیفر لوپیز، بالی وڈ اداکارہ دپیکا پڈوکون اور بھارتی کرکٹر ویرات کوہلی بھی شامل ہیں۔
