قومی اسمبلی سے استعفیٰ دینے والے 4 ارکان استعفوں کی تصدیق کیلئے نہ آئے

اسلام آباد: اسپیکر قومی اسمبلی سردار ایاز صادق کے طلب کرنے کے باوجود مسلم لیگ (ن) اور پارلیمنٹ رکنیت سے استعفیٰ دینے والے 4 اراکین پیش نہ ہوئے۔

مسلم لیگ (ن) کے ٹکٹ پر منتخب ہونے والے رکن قومی اسمبلی خسرو بختیار، باسط بخاری، طاہر بشیر چیمہ اور قاسم نون کو اسپیکر آفس میں آکر استعفوں کی تصدیق کی ہدایت کی گئی تھی۔ 

اسمبلی حکام کے مطابق مستعفی رکن کو اسپیکر یا سیکرٹری قومی اسمبلی کے سامنے استعفے کی تصدیق کرنا لازمی ہے تاہم چاروں ارکان اسپیکر کے طلب کیے جانے کے باوجود پیش نہ ہوئے۔ 

یاد رہے کہ 9 اپریل کو حکمران جماعت مسلم لیگ (ن) کے 6 قومی اور 2 ارکان صوبائی اسمبلی نے مستعفی ہوکر پارٹی چھوڑنے کا اعلان کیا تھا۔

(ن) لیگ کو جھٹکا: 8 ارکان قومی و صوبائی اسمبلی نے پارٹی چھوڑ دی

خسرو بختیار، طاہراقبال، رانا قاسم، باسط بخاری، سردار دریشک، سلیم چوہدری اور طاہر بشیر چیمہ مستعفی ہوگئے جب کہ علی اصغر اور طارق باجوہ نے آزاد حیثیت سے الیکشن لڑنے کا اعلان کیا ہے

استعفیٰ دینے والوں میں خسرو بختیار، طاہر اقبال، رانا محمد قاسم، باسط بخاری، سردار دریشک، چوہدری سمیع اللہ، سلیم اللہ چوہدری اور طاہر بشیر چیمہ شامل تھے۔

مستعفی ارکان نے  جنوبی پنجاب صوبہ محاذ بنانے کا اعلان کرتے ہوئے سابق وزیراعظم بلخ شیریں مزاری کو اس محاذ کا سرپرست بنایا گیا تھا۔