’کم از کم عمرہ تو اپنے پلے سے کر لو،مفت بری کی بھی انتہا ہے‘

سابق وزیر خارجہ اور ن لیگ کے رہنما خواجہ آصف نے پاکستان تحریک انصاف کے چیئرمین عمران خان پر نام لیے بغیر تنقید کی ہے۔

سماجی رابطوں کی ویب سائٹ ٹوئٹر پر جاری پیغام میں خواجہ آصف نے کہا کہ ’کم از کم عمرہ تو اپنے پلے سے کر لو،مفت بری کی بھی انتہا ہے‘۔

خواجہ آصف نے پنجابی میں مزید لکھا کہ ’خرچے واسطے بندہ وی نال، ای سی ایل سے فارغ کروا کے، اینی وڈی چول وی شاید ہی کوئی اور ہو‘۔

نبی ﷺ کے احترام میں مدینہ منورہ بغیر جوتوں کے آیا، عمران خان

عمران خان کی طیارے سے ننگے پاؤں اترنے کی ویڈیو سوشل میڈیا پر بہت تیزی سے وائرل ہوئی تھی

خیال رہے کہ چیئرمین تحریک انصاف عمران خان اپنی اہلیہ اور قریبی دوست زلفی بخاری کے ہمراہ گزشتہ دنوں عمرے کی ادائیگی کے لیے سعودی عرب روانہ ہوئے تھے۔

زلفی بخاری کو عمران خان اور ان کی اہلیہ کے ہمراہ چارٹرڈ طیارے کے ذریعے عمرے کی ادائیگی کے لیے سعودی عرب روانا ہونا تھا اور ایف آئی اے حکام نے انہیں نام بلیک لسٹ میں ہونے کے باعث روک دیا تھا۔

زلفی بخاری بیرون ملک کیسے گئے؟ وزارت داخلہ کی رپورٹ وزیراعظم کو ارسال

نام بلیک لسٹ میں تھا، زلفی بخاری کا معاملہ صرف ایک ٹیلی فون کال سے کیسے حل ہوگیا، اجازت کس نے دی؟ وزارت داخلہ نے رپورٹ وزیراعظم آفس بھجوا دی

زلفی بخاری نے اپنا نام نکلوانے کے لیے کافی تگ و دو کی اور وزارت داخلہ کے حکام سے اجازت ملنے پر وہ عمران خان کے ساتھ سعودی عرب روانہ ہوگئے۔

ذرئع کا کہنا تھا کہ وزارت داخلہ نے زلفی بخاری کو 6 دن کے لیے عمرے پر جانے کی اجازت دی تھی۔

چیئرمین تحریک انصاف عمران خان اور ان کی اہلیہ سعودی عرب سے آج رات وطن واپس پہنچ جائیں گے۔