05 جولائی ، 2018
انڈونیشیا میں مسافر کشتی ڈوبنے سے 34 افراد ہلاک ہوگئے۔
واقعہ انڈونیشیا کے جنوبی صوبے سولاویسی میں جزیرہ سیلایار کے قریب پیش آیا۔ حادثے کی وجہ جہاز کے پورٹ سائیڈ پر لیکج تھی جس کی وجہ سے جہاز میں پانی بھرنا شروع ہوا۔
کشتی میں پانی بھرتا دیکھ کر کپتان نے رخ قریبی واقع سیلایار جزیرے کی جانب موڑ دیا اور کشتی کو کم گہرے پانی کی طرف لے گیا تاکہ زیادہ سے زیادہ لوگوں کو بچایا جاسکے۔
حادثے کے وقت کشتی میں گنجائش سے زیادہ 189 مسافر موجود تھے جبکہ اس کے علاوہ گاڑیاں، بسیں اور ٹرکس بھی اس میں لادے گئے تھے۔
امدادی کارکنوں نے 155 افراد کو ڈوبنے سے بچالیا، خراب موسم اور بھپری لہروں کی وجہ سے امدادی کارکنوں کو مشکلات کا سامنا بھی کرنا پڑا۔