سعد رفیق سمیت (ن) لیگ کے دیگر رہنماؤں کی نظر بندی کے احکامات جاری

لاہور: پنجاب پولیس نے سعد رفیق سمیت (ن) لیگ کے دیگر رہنماؤں کو نظر بند کرنے کے احکامات جاری کردیئے۔

لاہور میں سیکیورٹی سخت، میٹرو سروس معطل، موبائل سروس بند رکھنے کی سفارش

پولیس اور رینجرز کی بھاری نفری لاہور ایئر پورٹ پہنچ گئی، نیو اسلام آباد ایئر پورٹ پر بھی سیکیورٹی کے غیرمعمولی انتظامات

سابق وزیراعظم میاں نوازشریف اور ان کی صاحبزادی مریم نواز کی ایون فیلڈ ریفرنس میں سزا کے بعد وطنی واپسی کےموقع پر لاہور میں سیکیورٹی کے سخت انتظامات کیے گئے ہیں جس کے تحت بیشتر مقامات کو کنٹینرز لگا کر بند کردیا ہے جب کہ پولیس کی جانب سے (ن) لیگ کے کارکنان کے خلاف بھی کریک ڈاؤن جاری ہے۔

آئی جی پنجاب کا مراسلہ

جیو نیوز کے مطابق آئی جی پنجاب پولیس کلیم امام کی جانب سے ڈپٹی کمشنر کو مراسلہ جاری کیا گیا ہے جس میں مسلم لیگ (ن) کے 7 رہنماؤں کی نظر بندی کے احکامات جاری کیے گئے ہیں جب کہ ایک کو گھر میں نظر بند کردیا گیا ہے۔

مراسلے کے مطابق خواجہ سعد رفیق، میاں مرغوب، بلال یاسین، خواجہ عمران نذیر، خواجہ سلمان رفیق، ملک سیف الملوک اور وحید عالم خان کی 30 روز کے لیے نظر بندی کے احکامات دیئے گئے ہیں۔

نواز اور مریم لندن سے ابوظہبی پہنچ گئے، لاہور پہنچتے ہی گرفتاری کی تیاریاں مکمل

سابق وزیراعظم اور ان کی صاحبزادی کو گرفتار کرنے کیلئے نیب کی 2 ٹیمیں لاہور ایئرپورٹ اور 2 ٹیمیں اسلام آباد ایئرپورٹ پر تعینات، دو ہیلی کاپٹر بھی لاہور ایئرپورٹ پر پہنچا دیئے گئے۔

مراسلے میں کہا گیا ہےکہ (ن) لیگی رہنماؤں کی وجہ سے شہر میں نقص امن اور توڑ پھوڑ کا خدشہ ہے، (ن) لیگی افراد کی تقاریر سے اشتعال پسندی کو بھی فروغ ملے گا۔

اس کے علاوہ مسلم لیگ کے رہنما حاجی رانا بختیار کو گھر میں نظر بند کردیا گیا ہے اور ان کی رہائش گاہ کے باہر پولیس کی بھاری نفری بھی تعینات کردی گئی ہے۔

آئندہ نسلوں کے لیے قربانی دے رہا ہوں، عوام ساتھ دیں: نواز شریف

پاکستان اس وقت فیصلہ کن موڑ پر ہے، جو میرے بس میں ہے اور تھا وہ میں کرچکا ہوں، سابق وزیراعظم کا ویڈیو پیغام

لاہور ہائیکورٹ کا گرفتار لیگی کارکنان کو 2 بجے تک رہا کرنے کا حکم

جن افراد کو حراست میں لیا گیا ان کی فہرست فوری عدالت میں دیں، جسٹس انوارالحق