نواز شریف ایسے پاکستان آرہے ہیں جیسے کشمیر فتح کیا ہو، فواد چوہدری

پاکستان تحریک انصاف (پی ٹی آئی) کے ترجمان فواد چوہدری نے سابق وزیراعظم نواز شریف کو ’جعلی منڈیلا‘ قرار دیتے ہوئے کہا کہ نواز شریف ایسے پاکستان واپس آرہے ہیں جیسے کشمیر فتح کیا ہو۔

نواز شریف اور ان کی صاحبزادی مریم نواز کی پاکستان واپسی کے موقع پر لاہور میں نکالی جانے والی ریلیوں اور نگران حکومت کے اقدامات کو تنقید کا نشانہ بناتے ہوئے فواد چوہدری نے کہا کہ لاہور کی سڑکوں پر لوگ نہیں ہیں، جو صورت حال پیدا ہوئی ہے اس کی ذمے دار ناتجربہ کار نگران حکومت ہے۔

لاہور: شہبازشریف کی قیادت میں ریلی ائیرپورٹ روانہ، سیکیورٹی سخت، موبائل سروس معطل

پولیس اور رینجرز کی بھاری نفری لاہور ایئر پورٹ پر موجود، نیو اسلام آباد ایئر پورٹ پر بھی سیکیورٹی کے غیرمعمولی انتظامات

فواد چوہدری نے کہا کہ اگر پی ٹی آئی کی حکومت ہوتی تو نہ فون بند کرتے نہ انٹرنیٹ، نگران حکومت کو بدحواس ہونے کی ضرورت نہیں۔

انہوں نے مزید کہا کہ فواد چوہدری نے کہا کہ جن کے پیسے لوٹے انہیں ہی استقبال کا کہا جارہا ہے، صرف نواز شریف کی گرفتاری کافی نہیں ان کے بیٹوں کو بھی واپس لایا جائے۔

نوازشریف اور مریم نواز کا طیارہ ابوظہبی سے لاہور روانہ

سابق وزیراعظم اور ان کی صاحبزادی کو گرفتار کرنے کیلئے نیب کی 2 ٹیمیں لاہور ایئرپورٹ اور 2 ٹیمیں اسلام آباد ایئرپورٹ پر تعینات، دو ہیلی کاپٹر بھی لاہور ایئرپورٹ پر پہنچا دیئے گئے۔

ترجمان پی ٹی آئی فواد چوہدری نے نواز شریف فیک منڈیلا قرار دیتے ہوئے کہا کہ وہ ایسے آرہے ہیں جیسے کشمیر فتح کیا ہوا۔

فواد چوہدری نے دعویٰ کیا کہ لاہور کی صورتحال معمول کے مطابق ہے اور شہر کی سڑکیں اور موٹر وے بھی کھلی ہے۔