ملتان کے ہوٹل میں دھماکے سے جاں بحق افراد کی تعداد 7 ہو گئی
20 جولائی ، 2018
ملتان میں چار روز قبل ہوٹل میں ہونے والے دھماکے کے نتیجے میں جاں بحق ہونے والے افراد کی تعداد 7 ہو گئی ہے۔
ملتان کے علاقے گلشن مارکیٹ میں واقع ہوٹل میں دھماکا ہوا تھا جس کے نتیجے میں دو بچوں سمیت 3 افراد جاں بحق اور 25 زخمی ہو گئے تھے۔
دھماکے میں زخمی ہونے والے افراد کو طبی امداد کے لیے ملتان کے مختلف اسپتالوں میں منتقل کیا گیا تھا۔
حکام کے مطابق ملتان دھماکے کے متاثرہ 3 افراد زخموں کی تاب نہ لاتے ہوئے دم توڑ گئے ہیں جس کے بعد جاں بحق ہونے والے افراد کی تعداد 7 ہو گئی ہے۔
