بھارت کے خلاف میچ کا الگ دباؤ ہوتا ہے: فخر زمان

لاہور: قومی ٹیم کے اوپننگ بلے باز فخر زمان کا کہنا ہےکہ بھارت کے خلاف میچ کا الگ دباؤ ہوتا ہے۔

لاہور میں میڈیا سے گفتگو کرتے ہوئے فخر زمان نے کہا کہ یہ کہنا غلط ہوگا کہ پاک بھارت میچ میں دباؤ نہیں ہوگا کیونکہ بھارت کے خلاف میچ کا الگ دباؤ ہوتا ہے، میچ میں بھارت کے بولرز پر بھی بہت دباؤ ہوگا۔

انہوں نے کہا کہ بھارت ورلڈ کلاس سائیڈ ہے اور کوہلی کے نہ ہونے سے زیادہ فرق نہیں پڑے گا۔

فخر زمان کا کہنا تھا کہ محمدحفیظ کے نہ ہونے پر تبصرہ نہیں کرسکتا کیونکہ یہ سلیکشن کمیٹی کا کام ہے، تبصرے ریٹائرمنٹ کے بعد ہی کر سکتا ہوں۔

یاد رہے کہ ایشیا کپ رواں ماہ کی 15 تاریخ سے دبئی میں شروع ہوگا جس میں پاکستان، بھارت، سری لنکا، بنگلا دیش اور افغانستان کی ٹیمیں حصہ لیں گی جب کہ ایونٹ میں 19 ستمبر کو روایتی حریف پاکستان اور بھارت کا ٹکراؤ ہوگا۔

ایشیاء کپ کیلئے 16 رکنی ٹیم کا اعلان، حفیظ ڈراپ

15 ستمبر سے شروع ہونے والے ایشیاء کپ کے لیے ٹیم میں عماد وسیم اور محمد حفیظ جگہ بنانے میں ناکام ہوئے ہیں۔

پاکستان بھارت کو تاریخی شکست دے کر چیمپئن ٹرافی کا فاتح بن گیا

محمد عامر نے شاندار بولنگ کرتے ہوئے روہت شرما، شکھر دھون اور ویرات کوہلی کو آوٹ کیا