Can't connect right now! retry

دنیا
12 ستمبر ، 2018

چین کے صوبے ہنان میں کار سوار نے گاڑی راہگیروں پر چڑھا دی، 9 افراد ہلاک

ڈرائیور نے جان بوجھ کر گاڑی راہگیروں پر چڑھائی، مقامی انتظامیہ۔ فوٹو: سوشل میڈیا

چین کے صوبہ ہنان میں کار سوار نے تیز رفتار گاڑی راہگیروں پر چڑھا دی جس کے نتیجے میں 9 افراد ہلاک اور 46 زخمی ہو گئے۔

مقامی میڈیا کے مطابق راہگیروں پر کار چڑھانے کا واقعہ ہنان کے شہر ہینگ یانگ کے بن جیانگ اسکوائر میں پیش آیا۔

مقامی میڈیا کے مطابق زخمیوں میں سے چند افراد کو تیز دھار آلے کی مدد سے زخمی کیا گیا۔

حکام کی جانب سے واقعے کو دہشت گردی یا غلطی قرار دینے سے متعلق کوئی بیان نہیں دیا گیا تاہم مقامی انتظامیہ کا کہنا ہے کہ ڈرائیور نے جان بوجھ کر گاڑی راہگیروں پر چڑھائی۔

چینی میڈیا کے مطابق راہگیروں پر گاڑی چڑھانے والے شخص کو گرفتار کر لیا گیا ہے۔

پولیس کی جانب سے گرفتار شخص کی شناخت 54 سالہ یانگ زن ین کے نام سے ظاہر کی گئی ہے جب کہ مقامی میڈیا کا کہنا ہے کہ گرفتار شخص پہلے بھی جلاؤ گھیراؤ اور منشیات کے مقدمات میں جیل کاٹ چکا ہے۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM