Can't connect right now! retry

پاکستان
14 ستمبر ، 2018

کراچی: سب مشین گن کے زور پر ڈکیتی کی وارداتیں پولیس کارکردگی پر سوالیہ نشان

سی سی ٹی وی ویڈیو میں ایک کیپ پہنے ڈاکو کو جدید اسلحے کے زور پر لوٹ مار کرتے دیکھا جاسکتا ہے— اسکرین گریب

کراچی: شہرِ قائد میں سرگرم جرائم پیشہ گروہ ڈکیتی کی کارروائیوں کے نت نئے انداز اپنانے لگے ہیں اور سب مشین گن (ایس ایم جی) سمیت جدید اسلحے کے زور پر معصوم شہریوں کو لوٹنا ایک معمول بن گیا ہے۔

گزشتہ دنوں پاک کالونی میں کمپیوٹر رپیئرنگ کی 2 دکانوں میں بھی ڈکیتی کی واردات ہوئی۔

 جیو نیوز کو موصول واقعے کی سی سی ٹی وی ویڈیو میں 6 ڈاکوؤں کو ہیلمٹ اور کیپ پہنے جدید اسلحے کے زور پر لوٹ مار کرتے دیکھا جاسکتا ہے، جو کارروائی کرتے ہی فرار ہوگئے۔

کارروائی کرتے ہی ڈاکو فرار ہوگئے— اسکرین گریب

پولیس کا کہنا ہے کہ سی سی ٹی وی ویڈیو کی مدد سے ملزمان کی گرفتاری کے لیے کارروائی کی جارہی ہے۔

2 روز قبل نیو کراچی میں بھی ایس ایم جی بردار ڈکیت گروپ کے سرگرم ہونے کا انکشاف ہوا تھا۔

جدید مشین گنوں کی آسانی سے دستیابی اور ڈکیتی جیسی واداتوں میں آزادانہ استعمال پولیس کی کارکردگی پر سوالیہ نشان ہے۔

تفتیشی ادارے اس پہلو پر بھی غور کر رہے ہیں کہ ڈکیتی کی وارداتوں میں استعمال ہونے والا یہ جدید اسلحہ اصلی ہے یا لوگوں پر خوف طاری کرنے کے لیے کھلونا بندوقوں کا سہارا لیا جا رہا ہے۔


Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM