مقبوضہ کشمیر: بھارتی فوج کے مظالم، فائرنگ سے مزید 6 کشمیری شہید

سری نگر: مقبوضہ کشمیر میں بھارتی فوج نے ریاستی دہشت گردی کا مظاہرہ کرتے ہوئے مزید 6 کشمیریوں کو شہید کردیا۔

مقبوضہ وادی میں بھارتی فوج کی بربریت جاری ہے جہاں گزشتہ روز قابض فوج نے ریاستی دہشت گردی کا مظاہرہ کرتے ہوئے 7 کشمیریوں کو شہید کیا۔

سری نگر: بھارتی فوج کا مقبوضہ وادی میں آپریشن، 7 کشمیری شہید

قابض بھارتی فوج نے سرچ آپریشن میں گن شپ ہیلی کاپٹروں کااستعمال بھی کیا: کشمیرمیڈیا سروس

کشمیر میڈیا سروس کے مطابق قابض بھارتی فوج نے مقبوضہ وادی میں ریاستی دہشت گردی کا مظاہرہ کیا اور فائرنگ سے مزید 6 کشمیری نوجوانوں کو شہید کردیا۔

میڈیا رپورٹس کےمطابق قابض فوج نے ضلع کلگام میں سرچ آپریشن کے دوران نوجوانوں کو فائرنگ کرکے قتل کیا۔

بھارتی فوج کی ریاستی دہشت گردی کے خلاف علاقہ مکینوں نے شدید احتجاج کیا تو  قابض فوج نے مظاہرین پر بھی فائرنگ اور شیلنگ کردی جس کے نتیجے میں متعدد افراد زخمی ہوگئے۔

مقبوضہ وادی میں جاں بحق کشمیری کی لاش کی بے حرمتی، زنجیر سے باندھ کر گھسیٹا گیا

سوشل میڈیا پر وائرل تصاویر اور ویڈیو میں دیکھا جاسکتا ہے کہ بھارتی فوجی ایک جاں بحق کشمیری کو زنجیروں سے باندھ کر گھسیٹتے ہوئے لے جارہے ہیں۔

کشمیر میڈیا سروس کے مطابق ضلع کلگام اور اننت ناگ میں موبائل فون اور انٹرنیٹ سروس معطل ہے جب کہ مقبوضہ وادی میں ٹرین سروس بھی بند کردی گئی ہے۔