ایئرلائن ’کیتھے پیسیفک‘ اپنی معمولی غلطی پر مذاق کا نشانہ بن گئی

ہانگ کانگ کی ایئر لائن ’کیتھے پیسیفک‘ کے نئے جہاز پر نام کی واضح غلطی سے کمپنی ایسی انجان ہوئی کہ سوشل میڈیا پر تصاویر وائرل ہونے کے بعد اسے غلطی کا احساس ہوا۔ 

’کیتھے پیسیفک‘ کے نئے طیارے پر کمپنی کے نام کی اسپیلنگ درست نہیں تھی یعنی ٹائپوز کی وجہ سے Pacific لکھنے کے بجائے Psciic لکھا گیا جس پر کچھ مسافر پریشان ہوئے اور سمجھنے لگے کہ شاید ایئرلائن کا نام تبدیل ہوگیا۔

کیتھے پیسیفک کی فضائی میزبانوں نے اسکرٹ نہ پہننے کی جنگ جیت لی

خواتین کیبن کیریو کی 3 سالہ جدوجہد کے بعد کمپنی نے فضائی میزبانوں کو ٹراؤزر پہننے کی اجازت دے دی۔

بعض سوشل میڈیا صارفین نے اسپیلنگ کی غلطی پر طیارے کی تصاویر لے کر سوشل میڈیا پر پوسٹ کرنا شروع کیں جس کے بعد انٹرنیشنل میڈیا پر بھی اس پر تبصرے ہونے لگے۔

حیران کن بات یہ ہے کہ جہاز پر واضح غلطی کے باوجود کمپنی یا ایوی ایشن حکام اسے دیکھنے سے قاصر رہے یہاں تک کہ طیارہ ژیامی سے ہانگ کانگ تک پرواز کر کے پہنچ گیا۔

سی این این کو اس حوالے سے انٹرویو دیتے ہوئے ائیرلائن کے ترجمان کا کہنا تھا کہ یہ بہت دلچسپ بات ہے کہ جہاز کے نام پر ٹائپوز ہمیں نظر نہیں آیا، جب سول ایوی ایشن گروپ کی جانب سے تصاویر سوشل میڈیا پر وائرل ہوئیں پھر ہم نے اس واقعے کو سب سے شیئر کیا۔

’کیتھے پیسیفک‘ کمپنی نے آفیشل ٹوئٹر پروفائل پر بذریعہ ٹوئٹ غلطی کا اعتراف کیا اور اس کی تصحیح کی یقین دہانی کروائی۔

دوسری جانب کچھ افراد کا کہنا ہے کہ یہ غلطی کمپنی کی جانب سے جان بوجھ کر کی گئی تھی۔