آئی ایم ایف کے پاس نہ جانے کا اعلان کرنے والے سب سے بڑا قرضہ لے رہے ہیں، بلاول

پاکستان پیپلز پارٹی کے چیئرمین بلاول بھٹو زرداری نے گیس کی قیمتوں میں اضافے پرردعمل ظاہر کرتے ہوئے کہا ہے کہ حکومت کی معاشی پالیسی کی کوئی سمت نظر نہیں آرہی۔

اپنے بیان میں بلاول بھٹو نے کہا کہ آئی ایم ایف کے پاس نہ جانے کا اعلان کرنے والے سب سے بڑا قرضہ لے رہے ہیں، مہنگائی کے علاوہ حکومت کی کوئی پالیسی نظر نہیں آرہی۔

معیشت پر کوئی خطرے کی گھنٹی نہیں، آخری بار آئی ایم ایف میں جارہے ہیں: اسد عمر

میڈیا میں معیشت پر بہت طوفان نظر آرہا ہے مگر ایسا نہیں، معاملات کنٹرول میں آرہے ہیں، کراچی میں پاکستان اسٹاک ایکسچینج کے بروکرز سے گفتگو

بلاول بھٹو نے مزید کہا کہ حکومت معاشی پالیسی دینے کے بجائےعوام کی جیبوں پر ڈاکے ڈال رہی ہے، حکومت نے دن بہ دن مہنگائی کرکےغریب عوام کا جینا اجیرن کردیا ہے۔

چیئرمین پیپلز پارٹی نے یہ بھی کہا کہ صاف نظرآرہا ہے 'سیلیکٹڈ' وزیراعظم کو بغیر کسی تیاری کے لایا گیا ہے، بہتر معاشی پالیسی نہ دی گئی توعام آدمی کیلئے ایک وقت کی روٹی کا حصول ممکن نہیں رہے گا۔

سیاستدانوں میں اکثر مجرم ہیں اور اتنے ثبوت ہیں کہ مجرم بچ نہیں سکتے: وزیراعظم

کسی چور، ڈاکو اور مجرم کو نہیں چھوڑوں گا، دباؤ میں نہیں آؤں گا، مسئلہ آئی ایم ایف کے پاس جانا نہیں بلکہ اس کی شرائط ہیں، وزیراعظم عمران خان

بلاول نے کہا کہ عمران خان کا نیا پاکستان عوام کیلئے ڈراؤنا خواب بن چکا ہے، 50 لاکھ گھر دینے کا وعدہ کرنے والے غریبوں سے چھت چھین رہے ہیں۔

انہوں نے کہا جہ ہم نے اپنے دور میں بدترین مالی مشکلات کا سامنا کیا ،معاشی زبوں حالی کے باوجود عوام کو مہنگائی سے محفوظ رکھا، ہمارے دور میں عالمی مارکیٹ میں تیل 148 ڈالرفی بیرل تھا لیکن قیمتیں نہیں بڑھائیں، حکومت معاشی پالیسی دینے کے بجائےعوام کی جیبوں پر ڈاکے ڈال رہی ہے۔

بلاول نے کہا کہ جی ڈی پی کی شرح نمو 4 فیصد اور مہنگائی کی شرح 14 فیصد تک جانے کا خدشہ ہے، بہترمعاشی پالیسی نہ دی گئی توعام آدمی کیلئے ایک وقت روٹی کا بھی حصول ممکن نہیں رہے گا۔