نیب مقدمات سے کیسے نمٹا جائے؟ نوازشریف کی قانونی مشیروں سے مشاورت

سابق وزیراعظم میاں محمد نوازشریف نے اپنے اور شہباز شریف کے کیسز سمیت دیگر مقدمات کےحوالے سے قانونی مشیروں سے مشاورت کی۔ نوازشریف نے قانونی مشیروں کو شہباز شریف کے کیس میں تمام قانونی آپشن بروئے کار لانے کی ہدایت کی ہے۔

سابق وزیراعظم نواز شریف کے وکلاء خواجہ حارث، اعظم نذیر تارڑ، نصیر بھٹہ اور سابق سیکریٹری پراسیکیوشن سینیٹر رانا مقبول احمد جاتی امرا لاہور پہنچے جہاں انہوں نے سابق وزیراعظم سے ملاقات کی۔

تحریک انصاف اور نیب کے درمیان ناپاک اتحاد ہے: شہباز شریف

خواجہ آصف کے خلاف پاور پراجیکٹ کے حوالے سے کوئی کیس بنایا جارہا ہے، نیب والے مجھے ان کے خلاف گواہی دینے کا کہتے ہیں، اپوزیشن لیڈر کا ایوان میں اظہار خیال

ن لیگ کے ذرائع کے مطابق مسلم لیگ ن کے قائد محمد نواز شریف نے اپنی خاندان کے ارکان پر قائم مقدمات کے حوالے سے مشاورت کی۔

نوازشریف نے خصوصاً شہباز شریف کیس پر بات چیت کرتے ہوئے وکلاء کو ہدایت کی کہ شہباز شریف کے کیسز پر تمام قانونی آپشن بروئے کار لائےجائیں۔

اس موقع پر نصیر بھٹہ ایڈووکیٹ نے یقین دہانی کرائی کہ شہباز شریف کے آئندہ ریمانڈ کی بھرپورمخالفت کی جائے گی۔

آشیانہ ہاؤسنگ کیس: شہباز شریف کے جسمانی ریمانڈ میں مزید 14 دن کی توسیع

نیب لاہور نے صدر مسلم لیگ (ن) اور سابق وزیراعلیٰ پنجاب شہباز شریف کو آشیانہ اقبال ہاؤسنگ کیس میں کرپشن کے الزام میں 5 اکتوبر کو گرفتار کیا تھا۔

یاد رہے کہ آشیانہ ہاؤسنگ اسکینڈل کیس میں گرفتار مسلم لیگ (ن) کے صدر اور قومی اسمبلی میں قائدِ حزب اختلاف شہباز شریف جسمانی ریمانڈ پر نیب کی حراست میں ہیں۔

نیب لاہور نے 5 اکتوبر کو سابق وزیراعلیٰ پنجاب شہباز شریف کو صاف پانی کیس میں طلب کیا تھا، تاہم اُن کی پیشی پر انہیں آشیانہ اقبال ہاؤسنگ کیس میں کرپشن کے الزام میں گرفتار کرلیا گیا تھا۔