اب واٹس ایپ پر بھی اشتہارات دیکھنے کو ملیں گے؟

مقبول ترین میسجنگ ایپ واٹس ایپ پر بھی اب اشتہارات نظر آیا کریں گے۔

واٹس ایپ کے نائب صدر کرس ڈینیئل نے گزشتہ روز بھارتی دارالحکومت نئی دہلی میں ایک کانفرنس کے دوران اس بات کا اعلان کیا کہ واٹس ایپ کے اسٹیٹس فیچر میں اشتہارات دیئے جائیں گے۔

تاہم انہوں نے ایپ میں اشتہارات کی آمد کا وقت بتانے سے گریز کیا۔

واٹس ایپ کا 'ڈیلیٹ فار ایوری ون' فیچر میں بڑی تبدیلی متعارف کروانے کا فیصلہ

میسجنگ ایپلیکیشن واٹس ایپ نے یہ فیچر گزشتہ برس متعارف کروایا تھا۔

ان کا کہنا تھا کہ اسٹیٹس فیچر میں اشتہارات شامل کرنے کے حوالے سے کام جاری ہے جس سے کمپنیوں اور بزنس کرنے والوں کے لیے آسانی ہوگی۔

واضح رہے کہ واٹس ایپ پر اشتہارات چلانے کا مقصد آمدنی میں اضافہ کرنا ہے جس کے تحت کمپنیوں کو اس کا معاوضہ دینا ہوگا۔

اگرچہ نائب صدر کرس ڈینیئل نے کسی حتمی تاریخ کا اعلان نہیں کیا، لیکن اس کا آغاز 2019 سے متوقع ہے۔

آغاز میں اشتہارات کی سہولت کاروباری افراد کے لیے مفت ہوگی، تاہم ممکن ہے کہ مستقبل میں ان کو بھی اشتہارات دینے پر ادائیگی کرنی پڑے۔

واٹس ایپ صارفین ایموجیز کے بعد اب اسٹیکرز سے بھی جذبات کا اظہار کرسکیں گے

واٹس ایپ کمپنی کے مطابق ممکنہ طور پر آئندہ ہفتوں میں اینڈرائڈ اور آئی او ایس صارفین واٹس ایپ میں ایموجیز کے علاوہ اسٹیکرز بھی استعمال کرسکیں گے۔

واضح رہے کہ فیس بک کمپنی کی جانب سے واٹس ایپ پر اشتہارات کے شامل ہونے کی خبر گزشتہ ماہ جاری کی گئی تھی۔

واٹس ایپ اسٹیٹس فیچر میں اب تک ٹیکسٹ، تصاویر، ویڈیوز اور جف شیئر کرنے کی سہولت موجود تھی اور اب جلد ہی اس کے ذریعے اشتہارات دینا بھی ممکن ہوجائے گا۔