پاکستان کی کشمیری رہنما میر حفیظ اللہ کے قتل کی مذمت

اسلام آباد: پاکستان نے مقبوضہ کشمیر میں قابض بھارتی فوج کے ہاتھوں کشمیری رہنما میر حفیظ اللہ میر کے وحشیانہ قتل کی شدید مذمت کی ہے۔

حریت رہنماؤں کا میر حفیظ اللہ کے قتل کیخلاف کل وادی بھر میں ہڑتال کا اعلان

تحریک حریت جموں کشمیر کے سینئر رہنما کو گزشتہ روز ان کے گھر میں گھس کر فائرنگ کر کے قتل کیا گیا تھا۔

ترجمان دفتر خارجہ کی جانب سے جاری بیان میں کہا گیا ہےکہ مقبوضہ کشمیر میں بھارتی مظالم کی مذمت کرتے ہیں اور او آئی سی کی طرف سے کشمیریوں کی مکمل حمایت کو سراہتے ہیں۔

ترجمان کا کہنا تھا کہ اقوام متحدہ کے ہائی کمشنر برائے انسانی حقوق کی طرف سے تحقیقات کی سفارش پر جلد عملدرآمد کیا جائے۔