مقبوضہ کشمیر میں بھارت نے دہشت گردی کی انتہا کر دی، مزید 6 نوجوان شہید

مقبوضہ کشمیر میں بھارتی فورسز نے ریاستی دہشت گردی کو جاری رکھتے ہوئے مزید 6 نوجوانوں کو شہید کر دیا۔

کمشیر میڈیا سروس کے مطابق بھارتی افواج نے مقبوضہ وادی کے ضلع اسلام آباد میں نام نہاد سرچ آپریشن اور گھر گھر تلاشی کی آڑ میں 6 نوجوانوں کو شہید کیا۔

اس کے علاوہ بھارتی فورسز نے علاقے میں ایک گھر کو بھی نذر آتش کر ڈالا۔

سری نگر: بھارتی فوج نے مزید 4 کشمیری نوجوانوں کو شہید کردیا

بھارتی فوج نے مقبوضہ وادی کے ضلع شوپیاں میں سرچ آپریشن کیا: کشمیررمیڈیا سروس

بھارتی افواج کی ریاستی دہشت گردی کے خلاف عوام کی بڑی تعداد نے سڑکوں پر نکل کر احتجاج کیا جب کہ قابض فوج نے مظاہرین کو منتشر کرنے کے لیے ان پر لاٹھی چارج کیا اور آنسو گیس کے شیل بھی فائر کیے۔

شہید کشمیری نوجوانوں کی نماز جنازہ میں بڑی تعداد میں عوام نے شرکت کی۔

حریت رہنماؤں کا میر حفیظ اللہ کے قتل کیخلاف کل وادی بھر میں ہڑتال کا اعلان

تحریک حریت جموں کشمیر کے سینئر رہنما کو گزشتہ روز ان کے گھر میں گھس کر فائرنگ کر کے قتل کیا گیا تھا۔

اس کے علاوہ حریت قیادت کی اپیل پر کشمیری رہنما میر حفیظ اللہ کی شہادت پر وادی بھر میں شٹر ڈاؤن احتجاج کیا گیا اور تمام کاروباری سرگرمیاں معطل رہیں۔

قابض افواج نے دو روز قبل میر حفیظ اللہ کو اُن کے گھر میں گھس کر فائرنگ کر کے شہید کر دیا تھا۔