نکیانکا کی شادی کا 18 فٹ طویل کیک بھی مداحوں کی توجہ کا مرکز

پریانکا اور نک جونس کی شادی ہندو اور عیسائی مذہبی رسومات کے مطابق ہوئی—.فوٹو/سوشل میڈیا

بالی وڈ اداکارہ پریانکا چوپڑا اور امریکی گلوکار نک جونس کی شادی کا 18 فٹ طویل کیک کی تصاویر سوشل میڈیا پر شیئر ہوتے ہی مداحوں کی توجہ کا مرکز بن گیا۔

امریکی جریدے پیپل کے مطابق نک جونس نے شادی کے لیے خصوصی کیک کا آرڈر کویت اور دبئی جا کر خود دیا تھا۔

یہ خصوصی کیک شاہی محل کے ڈیزائن جیسا اور 6 حصوں پر مشتمل تھا۔

واضح رہے کہ پریانکا اور نک جونس کی شادی ہندو اور عیسائی مذہبی رسومات کے مطابق ہوئی جبکہ کیک شادی کی عیسائی رسومات کے بعد کاٹا گیا تھا۔

کیک کو پریانکا اور نک جونس نے دلچسپ انداز میں کاٹا، جس کی ویڈیو سوشل میڈیا پر وائرل ہوگئی ہے۔

ویڈیو میں دیکھا جاسکتا ہے کہ کیک  کاٹنے کے لیے ایک بڑی چھری کا اہتمام کیا گیا، جسے پریانکا نے تلوار چلانے کے انداز میں کاٹا۔

View this post on Instagram

Wedding cake #priyankachopra #nickjonas

A post shared by Priyanka Chopra-Pedia (@priyankapedia) on

ایسے میں سوشل میڈیا پر پریانکا کے کیک کاٹنے کے انداز پر دلچسپ تبصرے بھی جاری ہیں۔  

ایک صارف نے لکھا، 'کیا میں اس کیک کو کرائے پر لے سکتا ہوں'۔


امریکی گلوکار نے کیک کے آرڈر کے علاوہ شادی کے پورے مینیو کا بھی خود خیال رکھا، جس کے لیے انہوں نے بھارت کے متعدد ریسٹورنٹس کا دورہ کرکے شادی کے کھانے کا آرڈر دیا، جن میں راجستھانی پکوان بھی شامل تھے۔

بھارت کے تاریخی شہر جودھپور کے عمید بھوان پیلس میں ہونے والی پریانکا چوپڑا اور نک جونس کی شادی میں ان کے قریبی دوستوں اور رشتے داروں نے شرکت کی تھی۔

View this post on Instagram

And forever starts now... ️ @nickjonas

A post shared by Priyanka Chopra (@priyankachopra) on



مزید خبریں :