پاکستان
Time 28 دسمبر ، 2018

وزیر خزانہ کا جنوری کے وسط میں منی بجٹ لانے کا اعلان

منی بل ریونیو پیدا کرنے کیلئے نہیں لارہے: وزیر خزانہ_ فائل فوٹو

اسلام آباد: وزیر خزانہ اسد عمر نے جنوری کے وسط میں منی بجٹ لانے کا اعلان کردیا۔

وزیراعظم ہاؤس میں صحافیوں سے گفتگو کرتے ہوئے اسد عمر نے کہا کہ منی بل ریونیو پیدا کرنے کیلئے نہیں لارہے۔

آئی ایم ایف کی شرائط سے متعلق وزیر خزانہ نے بتایا کہ آئی ایم ایف کی شرائط سے زیادہ اصلاحات کی رفتار اور سمت اہم ہے، وزارت خزانہ نے اب تک جو بھی فیصلے کیے، ان کا آئی ایم ایف کی شرائط سے کوئی تعلق نہیں۔

اسد عمر کا کہنا تھا کہ پی آئی اے اور اسٹیل مل کی بحالی کیلئے جنوری کے آخر تک پلان سامنے آجائے گا، یہ طے ہوجائے گا کہ دونوں اداروں کو کیسے بحال کیا جائے، ان اداروں کی بحالی کیلئے گرینڈ حکمت عملی بنارہے ہیں۔

مزید خبریں :